宣布與無綫更換合作模式，主力向外闖的楊潮凱，工作量不斷，除了在音樂微電影擔當男主角、監製和劇本創作外，還和張紋嘉合唱《狠心放心》，更為電影《喜歡你是你》做導演。早前他獲攝影師邀請，遠赴檳城取景，影一本紀錄楊潮凱這刻狀態和想法的寫真集《Go With The Flow》。
今次寫真集大部分概念都來自他自己，他說︰「我自己都好鍾意影相，喺電視台咁多年，其實我都影埋唔少相，之前都有構思過出相集，不過望住一大堆無乜整理過嘅相，加上有啲版權問題要解決，所以都仲未實行，突然Ronald（攝影師林子賢）問我有無興趣出呢本書，所以我考慮咗好短時間就應承咗。」
早前楊潮凱在節目騷肌浸溫泉，惹來不少基民及女網民注意，他就表示今次寫真不是以賣弄肌肉行先，但明白肌肉、性感係不能缺少。他說︰「本身無打算淋水的場景卻又因覺得啱feel而即場濕身，有一輯著住泳褲喺泳池嘅相。呢輯相我自己幾鍾意，一嚟未影過呢類型嘅相，二嚟同團隊嘅合作好好，可能全男班嘅關係啦，完全無尷尬無唔好意思，因為大家有嘅嘢都一樣嘛！」
ADVERTISEMENT
20周年「全城撐本地消費3重大激賞」！ 即睇活動詳情！
