27歲嘅TVB小花江嘉敏（Kaman），外表甜美嘅佢近月身形發福不少，再加上因衣着品味而經常成為焦點。江嘉敏不時喺社交網站上載相片同網民分享，不過就被網民指佢大媽味濃，兼封佢為「時裝車禍」嘅代表人物。近日佢上載咗新相，不過再一次被彈，今次仲有高海寧加入話埋佢一份。
近日江嘉敏喺社交網站PO新相，上載自己著上小香風衣服，配上一個低調樸實嘅Hermès Garden Party手袋嘅相片，並寫上：「人只有心靜，才能正確面對世事，心無物欲定乾坤。 #日日都落雨 #天氣開始凍」。不過佢嘅衣着品味及髮型就再一次被網民彈，例如「咁70年代feel？」、「真心建議你搵另一位造型師，不要浪費你的天賦」、「咁札仲樣衰」、「你係咪著錯咗衫呀 唔襯你」及「真心唔掂。。。」等等。估唔到今次連高海寧都忍唔住加入話埋佢一份，留言話：「個頭想點？」，而江嘉敏亦大方回覆：「唔長唔短嘛」。
