【禍不單行】AKB48稻垣香織骨折暫停工

日本組合AKB48連同另一組合HKT48，昨日同前日喺埼玉舉辦演唱會，但兩日都發生意外，其中AKB48嘅20歲成員稻垣香織跌落舞台而顱骨骨折，要暫停所有工作。
據日媒報道，HKT48嘅17歲成員秋吉優花，前日演出到一半，不慎跌落舞台，導致腳趾骨折，只屬輕傷。但稻垣香織昨晚亦發生意外，據悉當時表演已進入最後部分，稻垣香織喺要跑回後台時跌倒，被緊急送醫，醫生表示，佢顱骨骨折，意識清醒，亦能正常說話，不過仍需暫停工作一段時間接受治療。