盧覓雪與撐警玻璃朱在《視點31》的足本播出，片長約30分鐘，玻璃朱不時同意盧覓雪的論點。及至最後兩分鐘，玻璃朱提到網絡欺凌，終於與盧覓雪擦出火花。
玻璃朱認為兩個電視台各有精英，良性競爭而非網絡欺凌，「依家最大嘅問題係網絡欺凌問題，人哋點樣落廣告，就去打壓、欺凌人。」盧覓雪聞言忍不住笑謂︰「你話人唔落廣告，就係欺凌人，咁樣係講不過去嘅！」玻璃朱強調這個是事實，盧覓雪指另一邊陣營也同樣有此情況。
玻璃朱又說︰「起碼啲藍人唔會欺凌啲黃人，啲藍人唔會走去ViuTV或者麥當勞……」盧覓雪認為是因為藍營不太懂網絡世界，加上不是鍵盤戰士，其後玻璃朱問︰「我問你喇，係咪同意呢啲人做法呢？」盧覓雪從容答道︰「我唔可以話同意，但呢個係事實嘅反映，社會就係存在咗好多不信任，好多怨憤同好多仇恨，呢個唔係我哋可以解決到嘅問題。」玻璃朱聞言即謂︰「點解要縱容呢啲慣性欺凌呢？」
盧覓雪之後語帶激動說：「我好唔同意你呢個講法，我今日唯一要同你拗嘅就係呢個問題，呢個欺凌係幾時出現，大家都明白，呢個問題嘅出現，你要問返前面嗰截喇。好啦，之後大家點樣善後呢，哦！你話唔落我廣告就係欺凌我，你慣性欺凌我，喂！你當黃同藍兩批人，黃嘅人同樣受欺凌吖嘛，我而家惟有局住代表佢哋去講嘢啦，嗱！你又代表藍去講嘢嘛！」
到最後主持人著玻璃朱簡短回應，她說︰「係講嗰句啦，欺凌嘅話，有一邊係零舍嚴重啲嘅，係咪去到唔俾權利人哋揀呢，你哋成日話要爭取自由，點解唔俾自由人哋，我覺得係講唔通囉！」