【錢國偉設靈】視Wilson為最強大腦 張衛健︰我哋應該叫Big Five

錢國偉(Wilson)離世，其家屬於沙田寶福山設靈，Big Four成員張衛健、蘇永康及許志安前往弔唁。張衛健表示Big Four與Wilson建立了深厚友誼，感謝他示範了如何做一個勇敢男人，如何愛身邊的人和家人，身體力行，又指當年Big Four演唱會由零開始是Wilson做監製，由紅館到海外都是他一手包辦。

蘇永康指Big Four在表演和藝術上有少許成績，Wilson作為領軍人物是功不可沒。他說︰「當初構思Big Four嘅時候，大家都係諗搵邊個監製好呢？最後大家嘅意屬都係Wilson囉！」張衛健插嘴說：「係！我哋應該叫Big Five ，如果Big Four係四肢手腳，佢就係大腦，希望佢嘅家人振作。」

許志安說：「好掛住佢，Wilson係好開心嘅人，我哋會延續佢嘅精神，一路做下去。」