馬國明湯洛雯結婚｜傳婚禮地點泰國蘇梅島 情人節預先視察場地 高海寧、唐詩詠等60人出席

馬國明與湯洛雯（靚湯）甜蜜拍拖3年，並於今年元旦宣布訂婚喜訊，馬國明與湯洛雯快將結婚，獲得大家祝福。二人早前透露將於年底聖誕前完婚，不過就對海外婚禮嘅安排保密，只透露會喺東南亞地區行禮，更一度盛傳婚禮地點係印尼峇里島。最新有消息指馬國明與湯洛雯婚禮地點為泰國嘅蘇梅島，並早於情人節時視察場地，確保高海寧、陳敏之、唐詩詠等60名親戚朋友滿意。

馬國明湯洛雯結婚｜傳高海寧、唐詩詠已出發

早前準新娘湯洛雯接受傳媒訪問，表示與馬國明的婚禮會準備跳first dance，又揚言不會穿性感婚紗。靚湯仲指大概有60名親戚朋友飛往當地出席婚禮，昨日（13日）有傳媒指高海寧、唐詩詠、林子善、陳敏之、胡鴻鈞、黃嘉樂及黎諾懿等人已經出發前往馬國明及湯洛雯的結婚場地。

上月有報道指馬國明湯洛雯結婚地點為印尼峇里島，原因係方便出席賓客短途機程來回，而馬國明就未有回應。其實馬國明同湯洛雯選址蘇梅島係有跡可尋，因為佢哋今年情人節係喺蘇梅島愉快渡過，當時就被指二人係預支蜜月，不過而家睇落就似係去觀察場地。