曾展望與葉蒨文由去年唔太熟，來到今年台慶變成小情侶。
曾展望(GM)、葉蒨文(Sophie)昨日(19日)情侶檔身份出席無綫台慶，去年二人在台慶拍了數張打情罵俏的照片，來到今年由同事升呢成為情侶。他們表示當時大家不是太熟，只是想起為了宣傳《愛．回家之開心速遞》CP而拍下那輯照片。
早前GM到郵輪上獻唱，他坦言自己首次在船上登台，不知道要帶耳機，因此在沒有耳機的情況下唱歌，自言表現尚好。他表示有向同場的丁子朗、冼靖峰請教，相信有了今次經驗之後，日後會自備耳機。他又提到今次遊輪行程不但有Sophie，連GM的媽媽及妹妹亦有上船，意外變成「見家長」現場。GM稱屋企人對Sophie的印象甚好，而媽媽、妹妹指Sophie很似貓，二人是愛貓之人，相信她們很喜歡Sophie。Sophie表示之前已經跟GM的家人見面，大讚GM媽媽及妹妹的性格很好，而且跟她們的喜好很相近， 非常投契。
問到今次郵輪之行是否分床瞓，二人就大耍太極，再問到是否攬到實，GM與Sophie說︰「今次係正常咁瞓。(雙人床？)今次根據係船公司安排，佢哋派嗰個房俾我哋。(咁即係對雙人床房無異議？)佢哋安排梗係無異議！」
ADVERTISEMENT
