蔡卓妍(阿Sa)今日與李承責現身尖沙咀出席「金龍獻瑞及醒獅賀歲 」活動，李承責率先預測馬年運程，阿Sa在司儀周奕瑋(Javis)介紹下登場，擊鼓為馬年開運，獲中西財神送贈健身套裝、浴室套裝和桔仔樹。李承責指名字有「木」旺正財，而阿Sa姓蔡旺正財旺桃花，而其健身教練男友林俊賢(Elvis)姓林亦旺正財，阿Sa聞言多謝師傅「寧可信其有」。
未適應有個明星女友
阿Sa與容祖兒等好友前往英國和巴黎旅行，男友亦同行，問到是否感情升溫，她直言雙方已見家長，「阿媽出奇地覺得OK，我媽比較奄尖，阿媽啲喜樂哀樂擺哂上面，唔需要講出口，已feel到氣場，（已過關？）係掛。）至於對方家長印象，她就表示感覺開心，問到見家長是否代表結婚對象，她答道：「唔係玩玩吓，嘥時間。」談到有否被催婚，她笑言：「無咁老套。」
兩人公開關係後，今年過首個情人節，但就表示低調不透露。她直言男友仍未適應有位明星女友，「唔習慣都無計，但佢喺情緒好穩定嘅人，唔慣但適應緊，但有冇話不知所措。我都有同佢分享經驗，講真我都唔慣，只能自己去消化。
與VIVA一齊打側手翻
英皇將於5月舉行25周年演唱會，阿Sa表示已開始準備，「公司本身已有初步rundown，今次導演係劉偉強，未試過同佢合作演唱會，都幾期待。」問到想同哪個單位crossover時，阿Sa指今次是英皇繼10周年後，相隔15年再開家族騷，想跟新加盟的單位合作，「可能VIVA囉，兩隊女子組合一齊打側手翻，應該都好好睇。」
驚訝《追擊八月十五》獲致敬
談到她為賀歲片《金多寶》客串，以戲中戲形式重演《追擊八月十五》的片段，作為致敬。阿Sa早前特地與「邪釘橫輝」杜詩娜為《金多寶》謝票，她坦言：「人生好得意，22年前拍《追擊八月十五》，票房唔係差唔係好，冇諗過若干年後，後咁多人都覺得正、覺得好cult。其實我拍嗰時係好開心好多笑料，自由度好高，竟然而家咁多人致敬，呢個世界只要活著，咩嘢都有可能發生。」
ADVERTISEMENT
