許廷鏗直指欣宜已準備好復出。(娛樂組攝)
許廷鏗（Alfred）、黃德斌、梁諾妍、梁釗峰、程人富、張小倫、楊天宇、葉巧琳（Mischa）、張天穎（Jaime）、張鈊貽（ValC）等今日現身黃竹坑，為8月中首播的全新節目《公司!我要打Pickleball》錄影，以「明星邀請隊」身份與「ViuTV隊」對戰。
追上欣宜做飲食代表
被問到欣宜近況時，許廷鏗表示上月生日與欣宜和鄧小巧食飯慶祝，更獲小巧親自下廚。欣宜是否已準備好復出，他回答：「佢已經ready，不過我哋好少講工作，反而講食嘢多啲。他指兩人研究唱歌技巧和舞台演出，互相明白最為舒服，表示最期待能再同台合唱。問到可會出合唱歌，他笑言可出有關飲食的合唱歌曲，「其實我覺得如果有一首歌，好似以前歐陽振華《Mamma Mia》咁，應該會好爆。」他自言已慢慢追上欣宜成為飲食代表，最適合唱飲食歌。他又爆料指欣宜自小就經常唱鄭少秋的《香港料理》，「佢癲㗎，成日唱。所以唔使咁認真，可以唱搞笑歌。我唔知佢係咪ready出合唱歌，但我自己就ready喇。」
ADVERTISEMENT
