【愛姐新作】李英愛拍驚慄片尋子

貴為「國民女星」嘅李英愛，一齣《大長今》令她成全亞洲無人不識嘅女星。47歲嘅愛姐喺2009年結婚後專心相夫教子，已甚少在幕前演出，直至上年嘅劇集《師任堂，光的日記》才正式復出，不過收視與評價只係一般。韓國傳媒今日報道，愛姐將會接拍新片《尋找我》，講述愛姐飾演嘅媽媽，因為患有智障嘅兒子失蹤，令佢用盡方法去尋子。報道指，雖然愛姐未落實演出，不過成數相大。如果落實接拍，就係愛姐繼《親切的金子》後相隔13年再拍電影。