《愛·回家之開心速遞》大結局在商場直播。
TVB高收視長壽處境劇《愛·回家之開心速遞》迎來大結局，今晚在沙田舉行「全城開心愛．回家派對」，大批fans到場一齊見證最後一集。戲中多位演員現身，但「朱凌凌」吳偉豪、「葱頭」丘梓謙、「群姐」許思敏就缺席。
大會先安排姚焯菲唱出主題曲，再逐一安排戲中人氣CP即場哂恩愛，亦有氣銀髮族 Hip-Hop 男團組合「大四喜」，包括「熊樹根」劉丹、「大龍生」羅樂林、「譚道德」陳榮峻、「龍敢佳」鍾志光驚喜合體。劉丹發言時不禁哽咽落淚，他向觀眾保證：「我哋呢頭家一定唔會散！」
由於早前滕麗名、呂慧儀與林淑敏一齊受訪時，三人表現有異，令不和傳聞四起。今日現場所見，滕麗名、呂慧儀雞啄唔斷，二人跟林淑敏零交流。當林淑敏和許家傑分享近2分鐘，滕麗名卻由始至終沒望過林淑敏一眼，不是和旁邊的呂慧儀傾偈，就是擰轉面，但滕麗名與袁文傑分享時，林淑敏就很留心他們並「交足戲」看得投入。
ADVERTISEMENT
【APP會員限定 amFUN積分加碼賞登場】
