麥秋成透露太太湯怡因為有事在身，未能抽空出席。（林俊源攝）
麥秋成出席時裝活動，他表示太太湯怡原本會出席，可惜工作問題未能前來。同場還有舊愛蔡思貝，問到二人可有見面時，他說：「有呀！先頭傾咗偈啦！就係問你哋啲問題，哈哈！（無尷尬？夾下口供？）無呀！打下招呼，尷尬就唔會出嚟答問題啦！以前都有喺啲場合撞過呀！」問到有沒有看她演的《功夫女足》，他表示未，之後會入場支持星爺的電影。
蔡思貝與麥秋成前後腳到場。（林俊源攝）
談到開學日，麥秋成表示囡囡由下午班轉做上午班，所以要適應早起問題，但囡囡仍然很開心，因為可以跟同學仔見面，「佢成日問幾時返學，依家7點幾要起身，我哋住嘅地方又成日塞車，所以要早啲出門口。」他有感女兒長得很快，看回以前BB的照片，發現囡囡現在拍照的模樣像少女。問到會否生多個，好讓重拾湊BB時光，他說：「想呀！努力緊啦！朋友都生咗個仔，好得意！自己就鍾意女，打個孖嚟都OK！（媽咪O唔OK？）佢係小朋友都喜歡。」他提到湯怡最近為ViuTV拍烹飪節目，有一齊商量煮甚麼菜式，並且大讚太太手勢了得，「我覺得好食！尤其係佢整嘅漢堡包好食！我喺出面係食唔到，我以前食芝士會嘔，依家OK，因為佢以前學法廚，有好多cheese要試，但太酥都係唔得！」
ADVERTISEMENT
