麥明詩快閃歐洲賀友結婚孖老公盛裝上陣恩愛放閃

有「十優港姐」之稱的麥明詩，自與飛機師丈夫盛勁為拉埋天窗後，一直十分恩愛。雖然兩人升格做父母後生活忙碌，但近日他們就趁著空檔，特意快閃意大利出席好友的婚禮，順道享受久違的二人世界。

快閃享受二人世界

麥明詩在社交網上大晒多張靚相，相中見她身穿一襲設計獨特的金色拼綠色入膊晚裝，高貴優雅，盡顯弗爆線條，而盛勁為則以黑色西裝配煲呔上陣；二人站在一架鮮紅色的復古開篷跑車旁打卡，又情深對望，手拖手合照，配合充滿歐陸風情的背景，畫面既唯美又甜蜜。

心繫兒子

麥明詩寫道：「久違嘅二人世界，短短5日嘅旅程，見證咗好友嘅婚禮，亦都令我哋難得可以放慢腳步，享受返只屬於彼此嘅節奏。」雖然享受me time ，但麥明詩始終心繫家中的兒子，她表示：「不過講到底，始終掛住屋企嗰位小老闆，急住返去報到」。不少網民都激讚麥明詩狀態大勇，不論外貌和身形都未有「走樣」，跟當年選港姐差別不大。