麥明詩澄清關之琳合照P圖風波 曬原相數據證清白：冇機會同佢解釋
麥明詩於9月初在社交網分享與關之琳的合照，遭部分網民質疑「只P自己」，令「大美人」關之琳的最真實面貌曝光，事件在網上掀起熱議。今日（19日）麥明詩發文反擊，並公開當日照片的手機原相數據截圖，力證自己並無修圖。
自嘲小粉絲
麥明詩解釋：「其實我自己都好鍾意睇threads，大家吹吓水、亂噏吓，一笑置之。睇開threads嘅讀者都有自己判斷能力，不過當啲傳統媒體走上去cap啲po當新聞咁報，個問題就出現啦，傳統嘅觀眾就基於媒體嘅可信性而接收件事，真係以為我P自己唔P人…我一定唔會呀！」她續指：「佢好靚，都唔知可以P啲乜，我只係以小粉絲嘅身分同之琳姐打卡。」
望關之琳不要誤會
麥明詩更稱沒機會向關之琳親自解釋，「我冇機會同佢解釋翻，希望之琳姐唔會誤會我啦（呢排真係太忙所以之前唔得閒理會呢件事）。」並自嘲「#我不是女神 #我只是小師奶」。有網民建議她下次拍片以免再被質疑P圖，她即幽默回應：「同人合照影片好kam。」不少網民都大讚她的回應大方得體。