曹星如期待12月19日比賽。（娛樂組攝）
鍾培生今日到尖沙咀出席《培生擂台：無敵盃2026》記者會，宣布今年參賽的重點拳手，最矚目莫過於請到有「神奇小子」外號的曹星如上陣，他將會迎戰澳門拳王蔣立昌。
曹星如表示對上一次在港參加職業賽已是9年前，非常期待今次在港打比賽。他透露已經積極備戰，由於需要體能訓練，所以飲食方面暫未控制。談到鍾培生表示花了不少時間及誠意去洽談合作，星如坦言需要很多方面配合，由於答應出戰今次比賽，自己也推了其他賽事。
問到會否叫家人及小朋友到場支持，他說：「要睇屋企人想唔想，始終依家有個小朋友，可能叫佢哋睇直播。（佢見到你俾人打會唔會好驚？）之前有俾過佢睇，佢就問返我『點解你唔用呢個戰術干擾對方？』我就話『係我做得唔好！我會檢討一下！』俾自己個仔提醒有咩不足，哈哈！佢其實無乜了解過，係佢細個嘅時候，教過兩下，可能佢有呢個慧眼！」
他自言做了爸爸之後，在心態上唯一的轉變就是會更小心，不要傷得太重。「以前經歷過傷到好重，身邊嘅人望我嘅眼神，就知道佢哋好擔心，希望自己每次比賽都小心啲，等小朋友唔好咁擔心，以為個比賽好危險！」
