已故樂壇天后梅艷芳的母親覃美金（梅媽）上月離世，後事低調舉行並已完成火化。自稱「100分孝子」的梅啟明事前未獲通知，得知後情緒激動，更因身體不適一度送院。他與泰籍未婚妻May May日前接受傳媒訪問，重點指控姪仔藏匿遺囑、操縱梅媽，並質疑對方企圖侵吞逾千萬元遺產，又稱梅媽被火化後頻頻報夢喊冤；而May May則否認自己是二奶，強調會照顧梅啟明。
聲稱梅媽報夢
梅啟明表示，律師已要求姪仔一方交出梅媽遺囑，但兩星期過去仍未收到，質疑對方故意拖延，並以梅艷芳遺囑拖延8個月作例，他引述：「你既然話有，係咪第一時間交出嚟？點解到現在都唔交？係咪有問題啊？即係阿梅嘅版本啦，阿梅遺囑又係拖咗八個月，完全一模一樣。」他稱梅媽生前怕火，卻遭火化，令他難以接受，並怒斥有人早有部署：「一日阿媽唔死佢一日攞唔到啲錢走，就係咁簡單。」談到梅媽身家，他估計：「如果正常計，超過1000萬？」他又聲稱梅媽報夢：「佢最怕火，你燒到佢咁，講句難聽啲佢瞇埋眼都要趷起身，佢報夢俾我聽就係咁。」他否認外界指他貪錢，強調自己12歲起工作，說到激動更一度拍桌。
澄清非第三者
May May受訪時也表示，初識梅啟明時認為他口花花兼手多多，但欣賞他為人真實直率，不擔心他日後再追求他人：「佢老喇，唔驚呀！」對於被指介入婚姻，她澄清：「梅啟明同梅媽破產，Joey先嗌交返馬來西亞住，我冇出現過，佢破咗產先認識我。」她又指，梅媽生前曾送玉鈪、喝過她斟的茶，並叮囑她照顧梅啟明。May May自爆現時在中餐廳返工，她指梅啟明因梅媽的後事東奔西跑，並已叫對方停工休養，她稱：「我同阿媽講我日日都返工照顧佢個仔，叫佢唔使擔心，等佢安心啲。」