戴祖儀昨晚現身TVB劇集《驅魔速遞》煞科宴，早前為拍劇染了一頭粉紅的她，就以一頭黑髮亮相，她直言，「好唔捨得我嘅粉紅色頭髮造型。」劇中與吳偉豪飾演一對，並跟陳曉華、周嘉洛四人行，她指合作團隊好熱血，精力充沛，「無論通宵咗幾多個夜晚，直踩幾多日，見面都精神奕奕，好似重生。」她表示有不少被打的戲份，自言幾打得，「打人最難係點打到鏡頭好睇，被打都係高深學問，點樣避得靚，好似好痛，我哋都幾好演技。」她自爆為3位拍檔拍了大量黑圖，待劇集出街，反應理想時便開心分享兩位男生的上半身裸照。
問到她與吳偉豪可有親熱戲，她呼籲大家期待，「咀對咀算係細尺度，有場重點戲，偉豪都食咗好多日烚雞蛋。」再追問是否有祼露戲份時，她自言跟周嘉洛和吳偉豪學到，「原來拍攝前食朱古力，可以谷漲肌肉，仲有每次除衫都要做掌上壓，不過她自言是食得最多的一位，「見佢哋食健康餐，食菜同雞肉，我係食飯盒，有少少內疚，所以後期，我跟佢哋食健康餐，大家都瘦咗好多。」