區文詩與Kary上台與Gloria合照。
前女子組合Cookies陳素瑩(Gloria)前日(22日)結婚，並邀了昔日隊友區文詩、吳雨霏(Kary)及楊愛謹(Miki)參與婚宴。當日亦是自Kary與Miki傳反目以來，首度同場，但當日未見她們合照，有指她們當日分枱坐。
同場還有Miki，但Kary未有加入影合照。
事隔兩日，Gloria在IG上載台下花絮，發文澄清Kary與Miki是坐埋一枱︰「Kary一早講咗會嚟影相但唔會食飯 而Miki就會嚟食飯 因為我尋晚真係太忙招呼唔同既賓客 完全唔記得咗影大合照 我搵得好辛苦終於比到我搵到一張佢哋係一齊坐同一張枱嘅相 證明真係冇分枱坐呢回事。」她又就報道令Kary與Miki造成不便致歉。
Gloria在IG上載MiKi及Kary同枱合照。
Miki可能見到Gloria的帖文後有感而發，在IG限時動態寫道︰「有甚麼事發生的時候，我從來都是選擇不發聲的那種人，希望流言止於智者，都抱着清者自清的態度。但有時，不發聲，往往最傷害的是自己，一些流言蜚語攻擊，而你只好默默的忍受，心裏無數委屈，卻說不出口。」
Miki有感而發。
ADVERTISEMENT
【開APP領取】免費換領麥當勞叔叔之家利是封及揮春
