49歲嘅孫耀威（Eric）近年長駐內地發展，人氣高企，有指孫耀威直播兩個鐘收入已達過百萬港元，加上商演，月賺過千萬，而佢最強就試過於一次直播中收8千萬禮物，吸金力非常驚人。孫耀威活躍於小紅書及抖音等內地社交網站，不時上載影片同內地網民分享。
近日孫耀威上載咗一條影片，不過片中嘅佢老態盡現，然後佢開美顏濾鏡令佢個樣即時後生返晒，不過之後細心一睇原來老態先係濾鏡。除咗有部份網民傻傻分不清之外，唔少網民紛紛留言指佢好搞笑及大讚保養得宜，例如「哇，我從小看你戲。你保養的真好」、「真的帥」、「你太搞笑啦哈哈哈 還是帥的」、「這麼會玩的嗎哈哈哈」及「哈哈，調皮啊你」等等，不過其實佢近日嘅髮型及造型，真係同荃灣豬肉佬威威有幾分相似。
