59歲劉青雲驚喜現身荃灣街市 「市民劉先生」再出動被讚親民

現年59歲的影帝劉青雲與56歲的郭藹明結婚25年，向來生活低調貼地，早年，青雲曾於過年期間到街市買餸，更以「市民劉先生」身份登上新聞報道，相當搞笑。日前，有網民在社交網分享一段影片，再次成功捕獲青雲現身街市買餸。 

片中見一頭白灰髮的青雲以休閒服打扮示人，孭住一個黑色環保袋，期間彎腰去揀番薯，又到菜檔買菜，除了引來大批途人圍觀，現場更有不少工作人員正在拍攝，相信今次青雲是為工作而再次現身街市。 其中，菜檔老闆娘見到青雲非常興奮，並即時攞出手機求合照，青雲亦有求必應，配合企好展露笑容合照，相當親民，網民紛紛留言大讚 「市民劉先生」再出動零架子、極貼地。