劉青雲19歲侄仔劉凱浚參加亞視演員招募。 (娛樂組攝)
亞洲電視今日（8日）公開招募演員，為即將開拍得8個節目及劇集進行試鏡，除了已故樂壇天后梅艷芳胞兄梅啟明、前「亞視一姐」薛影儀之外，影帝劉青雲的19歲侄仔劉凱浚（Duncan）亦到場爭取演出機會。
劉凱浚表示，劉青雲是其大伯，透露現正於聖方濟各大學修讀電影系，認為有夢想要作出不同嘗試，亞洲電視亦是他一個目標，大讚亞視經典劇集《我和殭屍有個約會》好睇，主題曲亦很動聽，所以嘗試是否有機會加入亞視。劉凱浚原來上年有報TVB藝員訓練班，並說：「我都有試過考無綫，但覆都冇覆我。」他希望可以在演戲方面發展，有機會亦想嘗試唱歌。
談到可會跟大伯劉青雲見面，他說：「都多，佢好好，由我細個到依家，佢每套戲上映都會俾戲飛我哋，真係睇佢嘅戲長大，我爸爸都做過演員，佢後生嗰時參演過姜大衛執導套《聽不到的說話》，所以睇下有無機會靠自己做演員。」談到劉青雲可有給予入行錦囊給他，他說：「佢都叫我努力啦！我都知道要靠自己嘅。」問到劉青雲有否支持他入行？劉凱浚指大伯只有叫他繼續努力。
