黃翠如、蕭正楠日前為節目宣傳。（娛樂組攝）
蕭正楠、黃翠如日前出席無綫節目《家傳之「保」》記者會，兩人在節目中體驗魚檔的工作。不過，黃翠如劏魚時就有點雞手鴨腳，被蕭正楠笑「劏條魚都要劏10分鐘」。蕭正楠笑謂發覺有利可圖，加上近日無嘢做，有意將魚檔頂手，改名做「如楠檔」。
二人提起在魚檔幫手的趣事。 （娛樂組攝）
翠如飲食口味改變
談到二人的湊仔生活，蕭正楠爆太太自從生完BB之後，口味改變，懷孕前飲食較隨性，但現在比較有要求，翠如解釋說：「而家不斷湊BB，你就好想你嘅生命，生活精彩啲，所以就要喺食飯嗰part，諗點樣開心啲。」
他們又提到剛剛一齊到內地工作數天，BB要交由家人照顧，回到家後，BB對他們的感覺是既熟悉又陌生，感覺像在嬲他們，令他們大感內疚。
蕭正楠、黃翠如宣傳節目有不少笑料。（娛樂組攝）
激罕讚洪永城
提到早前洪永城在網上質疑翠如能否湊BB，翠如表示對方絕有資格，自己不會理會，但很感恩洪永城夫婦及連詩雅夫婦，因為二人的BB年齡相若，自己可以請教他們。
蕭正楠續說：「我好少可讚洪永城！佢喺BB出世前都有分享經驗，見佢佢係好錫兩個女！係合格爸爸！我真係好少讚佢，記得俾佢知！」
ADVERTISEMENT
請你食東海堂全新鰹魚湯櫻花蝦蘿蔔糕！
