韓網民最希望少玩社交網名人 Sulli同BIGBANG 成員都有份

韓國有問卷調查機構近日舉行「最希望少玩SNS的名人」嘅問卷調查，SNS即係social network site ，社交網站。有近萬人參加呢項調查，其中多次玩IG惹爭議嘅24歲韓國女團f(x)前成員Sulli獨得1831票，以19.3%得票率奪冠，YG公司代表楊賢碩獲得1221票排第2位。

Sulli曾因在IG發布帶性暗示嘅意淫照片而引發爭議，楊賢碩就因為經常在喺網上預告旗下藝人即將回歸，但幾乎無次真，令大批粉絲不滿。
韓國女藝人金富善、女主播朴志胤、說唱歌手Black Nut以及BIGBANG 成員勝利就依次排在第3至6位。