ViuTV全新節目《香港親善小姐》最新的1集，將會由94年的冠軍譚小環及季軍的李綺虹拍住上遊日本。 譚小環坦言同屆港姐中與李綺虹最有默契，仍記得初次見面的時刻「記得第1次面試，佢（李綺虹）好似坐我隔離，佢已經好多嘢講，一睇就知喺外國返嚟」。
相隔廿多年再聚，譚小環指李綺虹依舊鬼妹仔性格，但李綺虹則指小環好瘦，但覺得她比以前變得更靚。二人仍記得昔日參選時的笑話，綵排時李綺虹抽中試戴后冠，卻因為后冠不合身戴不上，而爆出一句「譚小環個頭夠大，可以戴后冠」的金句，譚小環指「觀眾就覺得你好可愛，因為你講你想講嘅野」
