Ad Block Ad Block
娛樂
2023-04-22 13:29:41

Anson Lo拍打戲受傷急求醫 社交網發長文報平安:多謝劇組體諒

分享:
Anson Lo 拍打戲受傷急求醫 社交網發長文報平安:多謝劇組體諒

Anson Lo拍打戲受傷。

MIRROR成員「教主」盧瀚霆(Anson Lo)最近忙於拍攝電影《盜月者》及《12怪盜》,兩套電影同時穿插拍攝。Anson Lo自爆前晚(20日)拍《12怪盜》一場打鬥戲時發生意外,導致下腰連右腳韌帶的膝蓋受傷,但為免影響拍攝進度,昨日他頂硬上繼續開工,但捱了多個奔跑戲份後終撐不住,需要停止拍攝,匆匆去中醫急救,並回家休息。

昨晚,Anson Lo 在社交網發長文交代傷勢,並向神徒(粉絲暱稱)報平安,他上載膝蓋敷着中藥及針灸的照片,並寫道:「由細到大都好容易整親,舊患又好多,可能係我嘅『命運』。最近拍攝電影《盜月者》同《12怪盜》,成日兩套戲時間穿插地拍攝。尋晚拍 12怪盜》打鬥場口,少不免嘅小意外發生咗,整親下腰連住石腳韌帶膝頭哥,但當刻我唔想影響拍攝進度而冇同大家講,死撐咗幾個take 終於撐唔到。」他表示對每一位一直好專業的工作單位都感到好內疚,更加唔想令神徒憂心,所以冇刻意講。

他續指:「今日拍攝《盜月者》,要追車、跑步、上落貨車,雖然好痛 ,但已經盡咗力了,麻煩到所有工作人員」Anson Lo 再報平安表示:「放心 ,啱啱睇咗醫師,醫師話幾日後就會好返好多 ;公司同劇組決定,將今晚嘅拍攝取消,俾我喺屋企休息一下,多謝劇組全體嘅體諒,同時都麻煩咗所有人,唔好意思。」他更透露嚟緊嘅日子暫時拍住文戲先,大家唔使擔心。

Ad Block
Anson Lo 拍打戲受傷。  Anson Lo膝蓋敷藥。 Anson Lo找中醫急救。 照燈針灸。
請接受以下私隱政策及免責聲明,以示你同意am730內之私隱政策及免責聲明。了解更多
接受