2025-07-24 21:28:21

Babyface拖女友Nina出席動漫節　成功脫單靠呢幾招

第26屆香港動漫電玩節將於明天 (25日）起至下周二（29日）在香港會議展覽中心舉行，今日不少藝人及KOL率先到場參觀，當中包括脫單成功的Babyface。

Nina形容Babyface是《美女與野獸》的野獸

Babyface與女友Nina一齊到場，問到Babyface如何形容另一半，他說︰「佢係一個甜美系教主！佢係一個I人，表面上似係E人，但其實係好怕羞。」他稱跟對方已認識了一段時間，「佢好好，我去拍廣告，佢會陪我出去，我好感動。」Nina就形容Babyface是《美女與野獸》的野獸，外表粗獷，但有細心的一面。她說︰「佢去邊度都會報定，對我都好溫柔，唔好以為佢表面好滑稽同花心，其實佢係好花心。」

跟Nina早已認識

BabyFace表示跟Nina發展了一個月，問到是否因為被梁敏巧拒絕而火速撲向Nina，他表示跟Maggie的節目是兩個月前拍攝，隔了一個月才追Nina。他坦言跟Nina本身已經認識，Nina見到他在節目中追梁敏巧再失敗便好好安慰他。他說︰「佢見我悶悶不樂，又諗好多嘢，於是開始思考我哋之間個關係，點解佢對我咁關心呢？一切都唔係必然，就去慢慢了解返個原因。」

愛情令人肥

問到他們拍拖的活動，Nina表示因為愛吃甜品，幾乎是甜品當正餐食，所以拍拖一個月已經肥了不少。在旁的Babyface聞言即謂︰「愛情令人甜美，都會令人肥。我哋可以一齊減肥！」由於Nina本身直播主，亦會在IG拍不同的reels，在一些平台跟大家傾計，問到他們未來的動向，是否會一齊情侶檔拍片，Nina希望可以做foodie，因為兩個人外出都很愛吃東西。

談到網民對Babyface最終抱得美歸，Babyface有幾招醒俾單身男士，他說︰「最緊要有自信，好好同靚女溝通，亦都唔可以太猥瑣，同女仔相處要多啲關心說話，特顯自己細心。」Nina就認為情緒價值，「就算你唔係好有錢，但係你有上進心，女仔都一定會欣賞你！」Babyface在旁即沾沾自喜說︰「怪唔知啦！我係被你欣賞！」