梁敏巧與醫生譚品堯(Henry)、律師劉啟進(Matt)公開同場。(娛樂組攝)
《女神配對計劃》5位女神連同一眾「求愛者」齊齊現身，梁敏巧(Maggie)與兩位「求愛勇者」譚品堯(Henry)、劉啟進(Matt)公開同場，至於另一位「勇者」榮嘉爾(Jay)因事缺席。大會安排梁敏巧抽出其中一位玩遊戲，最後抽出從事律師的Matt。梁敏巧要為Matt按摩，Matt跟梁敏巧對望時就表現怕羞。
被自己素顏look嚇親
Maggie表示節目組要求不能私下約會，她稱跟三位男士只能在拍攝、出席活動才可以見面，但她指因為拍攝時間限制，令她與對象的感情正在升溫之際便會叫停，而且每一集的拍攝相隔近一個月，所以感情進展很慢。
談到近日Maggie忽然劣評如潮，除了指她上節目只搵有錢對象，更攻擊她的樣貌，但她仍高EQ回應網民，她說︰「前日瘋傳我素顏相，因為係幾年前喺Youtube片其中一格相，其實都有好多謝網民專登揀咗一格最醜樣出嚟，連我自己睇到都鬧自己咁醜樣，真係多謝大家咁有心，我都嚇親嘅！」
回應林作嘲笑是AuntieFace
對於被林作笑是AuntieFace以及指Babyface只是按他指示去扮追求，Maggie說︰「林作話Babyface從沒鍾意我，係佢教嘅，我自己就冇去求證。如果係真，佢真係好好戲，佢真係打動到我，令我眼濕濕，就連關嘉敏都喊埋！我會好欣賞佢嘅演戲天份，但我都好多謝Babyface，因為佢令我多咗人認識。」
她續說︰「Auntie都有Auntie嘅靚，都ok嘅！呢兩年都好開心，多謝公司同客戶都好錫我，我係捱殘咗嘅，都多謝大家關心同提示！」她更搞笑表示不介意殘下去，她說︰「如果大家想睇下我真人係咪咁醜樣同埋老呢，歡迎搵我工作！但認真，女孩子係唔應該要有容貌焦慮，我由出道到依家都成日俾人鬧又老又醜樣，只係近排呯一聲咁多comment。」
諗過去整容
她坦承自己也有容貌焦慮，甚至諗過去整容，「但我沉澱咗一輪，我嘅自信、智慧、才華氣質先係令每個人獨一無異。」至於被指拜金，她指過去男友都不是很有錢，都是喜歡他們的為人，加上自己挑選這些「勇者」時，只能憑他們那幾分鐘的交談第一印象，純粹感覺行先，而其他幾位女神亦知道她的口味，愛霸氣總裁類型。
她說︰「我開宗明義係要喺呢個節目搵老公，難得有個節目可以俾我認識下男士，點解我唔認真去揀呢？我真係好想做媽咪，如果我做全職媽咪，都想另一半有個舒適環境俾小朋友，我唔覺係一個問題！」她指心目中的霸氣總裁類型，並不是一定要有錢，而是可以令她有安全感，可以保護到她，而對方的處事方式是令她認同，最重要是對方面對她時，可以像BB嗲自己。」
