Ad Block Ad Block
娛樂
2022-07-13 12:35:06

Cloud半夜拍MV遇器材連環失靈 初哥演對手戲頻NG

分享:
Cloud以多個趣怪可愛造型拍攝新歌MV。 Cloud「殺列你」的眼神,迷倒不少男生。

樂壇新人雲浩影(Cloud)繼 5月推出首支派台歌《願望之翼後,本月再推出第二首單曲《到了那裏就對吧》,並以多個可愛造型拍攝新歌MV,非常吸睛。作為「MV初哥」的她與其他演員做對手戲,緊張得頻頻NG,但她在沒有冷氣的場地穿著毛衣拍攝,仍毫無怨言。Cloud希望憑歌寄意,鼓勵迷失的年輕人相信自己。

Cloud的觀眾緣極佳。 《到了那裏就對吧》MV的百變造型,盡顯她的可塑性。

Cloud哀求:我淨係想順利收工

早前Cloud拍攝MV至凌晨時份,轉到一個舊式商場內取景,由於店舖都已關門,而商場本身的燈光昏暗,氣氛迷離,拍攝期間還遇器材連環短暫失靈,燈光無故又關又開,令人不寒而慄。當工作人員大叫「唔好意思,我哋好快拍完架啦!」燈光立即回復正常,Cloud坦言埋位時自言自語哀求,「我淨係想順利收工」,最後結順利完成,鬆一口氣。Cloud在MV中,首次與其他演員做對手戲,她表示:「第一次拍MV被咁多人望住,好緊張,點知仲要NG,真係好尷尬。但佢哋無怪我,每位都好專業,我有靜靜雞偷師!」

Cloud藉新歌鼓勵迷失的年輕人,相信自己。 Cloud首次與其他演員做對手戲,緊張到頻頻NG。

寄語要相信自己

Cloud為了全心發展歌手夢,辭去OL工作,首支主打歌《願望之翼》,她寄語自己勿忘初心,為夢想飛得更高更遠。新歌《到了那裏就對吧》不但是Cloud的心聲,同時亦想鼓勵迷失的年輕人,要相信自己,不要為迎合別人而改變。她說:「呢首歌嘅歌詞,對象係對一啲有思想有諗法嘅年輕人,即係我啦,哈哈!有時候我哋好想融入社會,做一個大家心目中成年人嘅模樣,經過好多嘗試、迎合和適應,然後發現呢條路原來唔啱自己,倒不如去做一個自己想做嘅成年人,從自己內心出發,並唔係社會定型嘅模樣。」

主音和音一手包辦

今次Cloud由主音到和音都一手包辦,她興奮表示,「好開心今次同Carl叔叔(監製王雙駿)合作,佢咗好多有關呢首歌嘅諗法,同埋編曲技巧,我學到好多嘢。作曲人吳林峰係識咗好耐嘅朋友。填詞人鍾說,好鍾意佢寫嘅詞,一直都好想有音樂上合作,巧合地當Carl叔叔一聽完首歌曲Demo,就話搵鍾說填詞,同我心諗一樣,特別開心。」

Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受