2025-07-20 14:14:35

雲浩影Cloud新歌初試張惠妹式硬淨曲風抱病台南拍MV無力夜市掃街

雲浩影(Cloud)將於下月初在麥花臣舉行首次個人演唱會，Cloud趁開騷前推出今年第二首派台歌《你的損失》，特地飛赴台南拍攝MV經歷3個第一次：第一次唱台式硬淨風格的情歌、第一次踏足台南，而且第一次親眼看見粉紅色夕陽，非常震撼。可惜此行來去匆匆，「仙氣女神」抱恙發燒，收工更攰到無力進食，蒙頭大睡。幸好返港後已好好休息，Cloud已全力投入籌備演唱會。

柔弱公主堅拒背叛

新歌《你的損失》由Kudos Lam作曲，黃偉文填詞，蘇道哲和Kudos Lam編曲，蘇道哲監製，首次嘗試陪伴成長的台式硬淨歌路，雲浩影說：「新歌今次去咗台南拍MV，亦都係我人生第一次踏足台南。《你的損失》係一首台式情歌，有啲似我細細個聽嘅嗰類，張惠妹同埋A-Lin嘅歌，仲特登選擇去台灣拍MV。」一向予人柔弱的Cloud展現「硬淨」唱腔，連文案都散發一種堅強感覺：「雖然你把我寵得像公主，但背叛公主的騎士，我不要了！沒有你的世界，或許辛苦一點，狼狽一點⋯⋯但至少沒有心碎」

被粉紅艷陽震驚

MV由金像剪接大師李謙明擔任導演，這是她與Cloud第三度合作，默契十足。Cloud說：「好開心今次台南拍MV，我哋去咗好多好靚嘅景點，仲睇咗我人生目前No.1嘅夕陽，全個天空都係粉紅色架！」MV中Cloud獨自欣賞夕陽、沙灘漫步、吹肥皂泡、夜市玩攤位，突顯一個人都可以很快樂。她說：「去咗夜市拍攝，可惜我唔舒服，食唔到好味嘅嘢，加上發燒，收工返到酒店時太攰，嗌咗外賣都攰到食唔到，成個人冧咗！」