林芊妤首曬全家福報喜 。
現年36歲的林芊妤（Coffee）今年5月宣布懷上第二胎，而DNA「T21測試」更一度發現染色體13或有問題，幸好其後再驗一切正常。今日（7日）Coffee在社交網報喜，宣布第二胎女兒已經順利出世，並指妹妹身體健康，一切安好。
首曬全家福
Coffee昨日剖腹生B ，並首貼多次全家福，一家四口相當溫馨，她報平安表示：「妹妹檢查完暫時健健康康一切安好呀，感恩。而我就到今日都仲係張床休息緊未落得床，真係過左一日先有力氣出Post同大家報平安。」Coffee 特別感激婦產科醫生，由上一胎到今胎的悉心照顧，同時亦感謝港安醫院所有姑娘、助產士、兒科既醫生，更指醫院環境舒適，有月子餐提供，非常有愛，最後，Coffee 大讚麻醉科醫生表示：「琴日係手術過程一直同我耐心溝通悉心咁講解，令我成個剖腹過程都好安心。」不少圈中好友包括岑麗香、龔嘉欣、陳敏之等等都紛紛留言送上祝福。
