COLLAR成員Day（許軼）昨日（6月4日）踏入21歲生日，如同去年一樣，Day嘅Fans Club為Day炮製連環生日應援，包括巴士燈箱、專題巴士、生日限定手幅，以及應援雪糕車。不過，派發免費雪糕期間，被交通警員要求把雪糕車駛離現場。
應援雪糕車為期一星期，雪糕會有限定雪糕紙筒；6月4日當天，應援雪糕車停泊於旺角西洋菜南街，車上印有「4th June生日快樂」，向市民派免費雪糕，引嚟大批Night（Day粉絲暱稱）排隊。不過，有指約下午2時，交通警巡查過後，要求雪糕車駛離現場。雪糕車之後就駛至朗豪坊門外，再次惹來排隊潮。
原文刊登於 娛樂LOL
