GD澳門演唱會售賣紀念品場地疑有大批黑工被警方帶走。
權志龍G-DRAGON 2025世界巡迴演唱會「Übermensch」澳門站於昨日(6日)開鑼，惟今日上午有不少網民表示大批警察到出售周邊產品的場地拉人，有網民上載影片留言說︰「賣賣下突然警察入嚟，帶走咗8成staff，唔知排到幾時！」影片見到警察帶走十多名負責前台的工作人員，而前台只餘數名員工。
拍片的網民留言說︰「排咗5個鐘終於買到，最後大約係得10個staff收錢。」有其他網民指警察入場查黑工，「第一次見喺大型活動有澳門警察衝入嚟捉黑工，仲要大部份係黑工」、「10點開賣，10:52仲係齊貨，而我地買完唔比走，閂晒門 困左係會場 聽講係警察係度查黑工 siu4」、「8:30嚟排，排到差唔多到突然間有班警察衝入嚟拉人，至少拉咗10幾個黑工，而家得返四個收銀，講緊在場幾千人排緊隊買嘢，四個人收錢 真心cls」、「銀河呢單嘢有十個趣 追星生涯買MD遇上警察捉黑工??? 仲要排左成粒幾鐘 轉個彎就到 mon都熄埋，以為收檔無得賣。」
另有網民稱︰「個職員話佢哋琴日捉到黃牛，啲黃牛不憤，玩返佢哋轉頭，報警話佢地請唔夠18歲，定請大陸人落嚟嘅炒散賣MD，報咗警差佬就要做嘢， 嚟到叫全部人唔準做嘢，Check哂佢地身份證。」
GD澳門演唱會售賣紀念品場地疑有大批黑工被警方帶走。
立即更新/下載AM730手機APP 體驗升級功能
