陳卓賢和邱彥筒齊齊出席品牌活動。(娛樂組攝)
MIRROR成員陳卓賢(Ian)及COLLAR成員邱彥筒(Marf)今日出席商場活動，現場大批Hellosss守候，完成澳洲巡唱返港後首露面的Ian，大會首播由兩人演繹的全新廣告及主題曲《OOTD》，同時宣布將啟動為期三周的「Dance Challenge」，Ian和Marf在活動結束後亦有與現場fans大合照。
Ian大展舞技
作為MIRROR的跳舞擔當Ian，在新廣告中大展舞技，他笑言感謝廣告商給予機會。談到合作拍跳舞廣告片的趣事，Marf自爆特地在Ian拍攝時，走到鏡頭後做跳舞動作，方便拍擋跟著做，但Ian一臉茫然，「我望緊個cam，但我feel到任你嘅精神。」他指舞步女性化，「我覺得Marf跳係好好睇，所以我擔心我啲grove動作，做出嚟會唔會爭啲…」Marf為他打氣：「OK啦！」Ian指兩人合作有新鮮感，但談到何時再合作，他就籲大家期待，因為要事先媡習。
共同話題講車經
兩人首次合作，共同話題竟是講「車經」，陳形容今次跳舞好好玩，fans亦讚兩人組合新鮮，期待再有合作，未料陳說：「再一齊出就唔新鮮㗎喇！大家覺得新鮮因為第一次嘛！」原來尚有後續，謂等再過一段時間，「遲一排先，等大家再想多啲先！」Marf打趣謂待大家估不到的時候可能有驚喜。
送現金作「生仔禮物」
Marf和Ian分別在 6月11日及6月9日生日，兩人同屬雙子座，共同話題是講車經。談到如何慶祝，Marf表示已吃了五六個生日蛋糕，生日願望希望所有事情都順利。Ian首次在澳洲開騷中過生日，他表示，「兩場觀眾好熱情，反應好好，覺得呢個生日都幾特別，可以同大家開騷中度過。」生日願望則希望自己和身邊人都身體健康，「身體健康最重要，祝福埋大家。」他表示已經與家人吃飯慶祝，並向陳媽媽送上現金作為「生仔禮物。」AK亦有message送上生日快樂。
大機會唱《樹會流眼淚》
澳門站座位表顯示將會還原《TEARS》香港站的「眼淚舞台 」，Hellosss期待能重現40人管弦樂團及「淚之盒子」。他表示：「諗緊點樣還原多啲香港站細節畀大家睇」，又稱正努力還原來「淚之盒子」」至於會否首唱《樹會流眼淚》，他表示：「機會都大嘅！」
開心Juno曾睇《寄了一整個春天》
Marf昨晚擔任麥浚龍演唱會嘉賓，並與AK合唱，很開心能以演員身份進行演出，「AK忙錄準備緊演唱會，很緊張要練一首咁難唱嘅歌，好似實行咗Mission imposssible。」她表示兩人花了不心思討論如何演繹，當空上戲份演唱就覺得真的感受到蒲銘心的付出。能夠參與Junoe的製作，她表示特別細看董折與蒲銘心的故事，「好開心原來有人真係用歌廿去做一個電影集，同埋做得好成功，呢件事好創新，亦都好經典，好開心可以存在於Juno其中一件art入面。」問到可有自薦參與Juno的電影，她笑言不敢，Ian即時叫她公開爭取，但她表示，「我覺得機會啱就會搵我，所以都係默默等待。不過佢都有同我講，原來佢睇咗《寄了一整個春天》，所以希望有機會拍到佢嘅恐怖片，我都希望我第一條恐怖片可以由Juno執導。」
Marf與Locker互為助手好sweet
談到早前Marf與男友Locker現身fans為她舉辦的生日應援市集，她笑言：「我平時唔係咁嗌佢，我哋都係日常活動，互相幫手。」