Ivy So總結台灣行曬比堅尼靚相 孖Day展開「琳時潛水軼」

COLLAR完成上月九展演唱會後，成員蘇雅琳(Ivy So)跟隊友展開台灣之旅，近日在IG上分享台灣行海底與陸上的小總結，大曬靚相。Ivy So日前公開與隊友陳泳伽(Winka)、許軼(Day)行夜市合照，Ivy自言出發前本做好心理準備會食肥了，回港準備努力減肥，點知回港後竟發現體重輕了1磅，見她穿着Tube Top露臍及曬香肩，相當吸睛。

毒毒潛水計劃

不過好戲在後頭，Ivy昨日再po出台灣之旅下水篇及Vlog，她穿上橙色比堅尼十分搶眼，又跟Day着潛水衣體驗潛水，並寫：「邊個會諗到許軼會即興加入我嘅毒毒潛水計劃，所以我決定為呢個旅程起個名，琳時潛水軼。」靚相與影片一出，引來大批蘇蝦(Ivy So粉絲)留言，紛紛大讚蘇媽又fit又靚。