2025-06-03 11:00:00

MIRO見面祭2025｜姜濤柳應廷輪流被枱超享受應呂爵安邱士縉與fans十指緊扣玩自拍(有片+多圖)

姜濤、呂爵安(Edan)、柳應廷Jer和邱士縉(Stanley)為本年度的《HI MIRO! 見面祭 2025》打頭陣，一連兩場見面祭已圓滿結束。四子在台上玩遊戲，又請fans上台玩拼圖比賽，大放笑彈；在主持旁白君的提問下，各自分享給fans的說和獻唱歌曲，當唱《One and all》時又走到台下與fans近距離接觸，握手擊掌，全場high爆。每晚的見面祭，fans都能獲選定的MIRROR成員親身送上專屬「招福貓」，首晚活動至大約12時45分才完結，昨晚姜濤和Edan更是在凌晨2時許才完成送貓行動。

兩晚見面祭均由旁白君主持，玩的遊戲大致相同，首晚拋圈遊戲姜濤和Stanley不敵Jer和Edan，「大表姜」接受懲罰要扮轎抬起結實的「Gym柳」，智慧擔當Edan就從旁督導，由於起初大表姜抬不起阿Jer，姜濤更是面容扭曲，Edan伸出援手協助，其間Jer的雙腳一度觸及「小爵爵」，搞笑畫面引起fans關注，被抬起「坐享其成」的Jer就非常享受。第二晚則由Stanley大獲全勝，反過來由Jerdan合力抬起姜濤，姜濤露出古惑笑容，雖然Edan腳步有點不穩，但仍能達成任務，被而抬起的姜濤就一臉得戚，百厭地郁身郁勢，又舉起V字勢，非常陶醉，笑言應該要飲多兩啖水，增加體重，被問到對兩位隊友的體力可有信心時，他直言，「Edan差啲，阿Jer好firm，每年都可玩吓。」

姜濤籲多支持香港演藝作品

除了玩遊戲，每位成員都會輪流接受旁白君的提問，向fans深情剖白，姜濤在首場見面祭化身模仿大師，大爆Jer平時好嗲，立即「少女Jer」上身扮他談吐動作，接著輪到扮Edan的「吹水」和認真mode的語氣，又爆料指Stanley 經常對鏡「自摸」胸肌，尤其在MIRROR演唱會期間，檢視肌肉線條，逗得全場爆笑。當問到有甚麼話跟fans說時，他就很尷尬表示憑歌寄意，送上《好得太過份》時表示，「無論台下觀眾係支持邊一位歌手，都希望多啲支持香港嘅音樂，電影，多啲推介畀身邊人。」第二場見面祭，姜濤認真表示，每次細看fans的DM，都深被激勵，「發覺作品可以影響到唔同嘅人，好開心可以做呢行，帶到正能量俾大家，大家好多經勵反過來可激勵我哋，好開心有機會共聚一堂。」例如近日不少「姜糖」都拍跳舞片給他，姜濤很開心可令更多人留意跳唱歌曲，不過有甚麼話送給fans時，他問到給fans的話時，他繼續用作品說話，送上新歌《On a Sunny Day》。

Jer盼啟德開騷與柳柳粉大合唱

Jer在首場見面祭分享將來願望，他表示從小到大都喜歡在大球場的演唱會，「希望可以喺大球場如啟德開，我鍾意聽大家大合唱，可以幾萬人一齊，大合唱一定好震撼。長遠目標，冇話幾時做到。」Jer不同歌曲都涉及愛自己的課題，問他如何寵愛自己時，旁白君特意表示不准答食薯片和炸雞，他表示會多與自己對話，「好多人因工作好忙，冇時間去諗吓自己經歷咗咩，要消化自己經歷，再去有轉變，呢個好緊要，要給自己me time，因有時太忙工作，會唔記得自己初衷，唔好以無咗自己，做任何嘢都要自己鍾意，先可放膽去做。」談到被MIRO感動的事，「見到佢哋已經好感動，有時我哋做嘢要早前，佢哋仲早過我哋，又整好多應援、寫信、整禮物，好難想像佢哋個個都有工作，但仲有好多時間整嘢俾我哋，係花咗幾多心思時間，好多晚有瞓，每刻見到佢哋都好開心。」他表示fans的信件都會逐一細看，衷心多謝他們一直不離不棄，「從我哋寂寂無名嘅nobody，到呢一刻可以台上做我哋鍾意做嘅嘢，全靠每一位對我們嘅支持，所以我哋會繼續努力，令大會為我哋驕傲。」他在兩場見面祭首唱剛推出的新歌《大人之後》，作為給入場fans的厚禮。

Edan感受超乎常理的愛

網癮少年Edan表示，當感到好攰和沮喪，看到好多fans支持和留言，就能力有繼續行。問到有甚麼話跟fans說，他指出MIRROR同粉絲都關係很特別，就像看著MIRROR成長，他認真表示，「呢一年令我最深刻嘅覺得，大家令我明白咩叫無條件嘅愛，大家真係好愛我，呢種愛係超乎常理，超乎正常人嘅認知，包容我所有事，好愛我呢個人，令我可以喺大家面前展現唔同面貌。我知呢種愛係有幾難得，雖然經常隔住好遠距離，但令我好充份感受對我嘅愛，真係多謝大家。」Edan在首場見面祭有求必應，不時跟「爵屎」十指緊扣，Edan坦言很疲倦，「雖然生理上很倦，但心理的滿足和力量很大，親見眼到你哋每位，聽你哋講嘅每一句說話，好多人同我講加油支持，睇到大家對我哋嘅眼神，真誠和衷心嘅祝福，好感動，好似屋企人，會擔心我，不斷俾力量我，大家互相支持，係十分enjoy，多謝大家對MIRROR嘅支持，一直不離不棄。」他送上《Again!》給fans。

Stanley感激fans為作品帶來意義

Stanley在首場見面祭分享，唱歌對他來說是一件大事，無論唱團歌或solo都不可以唱得差，他在首晚見面祭表示，每次上台唱歌都好擔心，但記得去年在《MATCHICAL LIVE》合唱《大海少年》，聽到大家掌聲和道謝，就覺得好溫暖，他坦言，「好珍惜每次fans meeting 見到大家嘅機會，我唔知仲有幾多次，但我都會好開心可以見到你哋每一件，好多謝你哋仲喺度。」在昨晚見面祭，他跟不少fans自拍，笑言自己搶爛市，近日活躍於Threads與fans互動的他，認真分享親身見面的感受：「當獨立見你哋每一個，睇你哋眼神，好多時會分享故事俾我聽，例如屋企有啲家事，聽我首歌會俾到好大動力，我覺得即使我的作品未係好pop，我嘅作品都有存在價值，可以生命影響生命，所以好多謝大家令我嘅作品更力有意義。」兩晚他都接著唱《無限回合》勉勵fans。