Jeremy出席《全民造星VI》記者會，回應MIRROR傳將缺席叱咤昂坪記招及頒獎禮傳聞。(娛樂組攝)
MIRROR成員李駿傑、ERROR隊長肥仔(梁業)和WinWin楊安妮今日現身尖沙咀，出席《全民造星VI》記者會，並帶領部分參賽者進行唱歌及跳舞表演，花姐亦有現身，但就未有接受訪問。
成員各有各忙 預告10月出新歌
Jeremy表示要待公司安排，「據我所知，10月好忙，士多啤梨組要去泰國出席音樂節，有成員飛走第二度拍綜藝，有啲要拍劇拍電影，大家各自有唔同嘢做，真係好難齊人，所以都要睇公司點安排。」問到可擔心未能出席記者會可能影響頒獎禮成績，他就表示，「其實我哋每年都話獎項係bonus，獎項都唔係我哋可以控制，即使好努力都冇一個好結果，但係始終都努力過，最終係我哋有冇用心去做我哋嘅音樂，我哋今年有隻《手印》，嚟緊都有新歌會出，準備緊新歌，所以真係好忙，同埋嚟緊7周年，所以時間都好緊張。」對於不少fans都期待MIRROR合體，他就預告10月將推出新歌，屆時12子會合體拍MV。
不認為與高層變動有關
問到有沒有成員欲以個人身份出席，他就沒有特別過問。雖然有粉絲擔心，但亦有fans無論如何也會投票和支持，他就表示多謝每位鏡粉，「由出道到依都睇住我哋成長，無論叱咤或其他頒獎禮，對我嚟講都係好大件事，每次參加當然係非常開心，但今年唔知時間安排點，大家都有唔同工作，希望可以做到。」對於有消息指與兩台高層以前轇轕有關，Jeremy就表示，「應該唔關事，就算魯生走咗，金生一直都係高層，應該唔關事。」至於ERROR可會出席，隊長肥仔亦表示等公司安排，「ERROR去同唔去，個結果都係一樣，如果MIRROR唔好ERROR去都就獎，我哋前幾年就叫佢哋唔好去，等我哋攞獎啦。」反過來他呼籲大家入場投WinWin一票。
否認出席《MAMA頒獎禮》
另外，有傳MIRROR出席11月在香港舉行的《MAMA頒獎禮》，Jeremy就表示未有聽聞，「我無收到風，你知我一向都好想去，如果係就好，𦧲飯應啦。」肥仔和WinWin就立即自薦幫手編舞，順道自肥追星。
ADVERTISEMENT
立即更新/下載AM730手機APP 體驗升級功能
