《PTU》眾演員與觀眾大合照，林雪向杜琪峯伸出「擺心」之手。(娛樂組攝)
杜琪峯監製和執導的電影《PTU》4K復修版明日(6日)公映，杜Sir昨晚(4日)率電影一眾演員，包括任達華、邵美琪、林雪、黃浩然及張滿源現身又一城出席重映特別場的座談會，與觀眾分享拍攝點滴。暌違22年難得再聚首，眾人與觀眾大合照，林雪偷偷派小心，杜Sir則擺「大心」pose，兩林雪伸出手欲與杜Sir合體擺心，在邵美琪指導下，杜Sir和林雪應眾人要求，成功合體擺心，爆笑又可愛。
今次《PTU》重映門票一半收益撥捐杜琪峯導演帶領的「鮮浪潮」，以推動香港電影產業和培育新導演人才。杜Sir與邵美琪、林雪、任達華和黃浩然在登徒主持的分享會上齊齊話當年。
杜Sir自言甚少重溫自己的作品，故一直沒正式重溫2003年上映的《PTU》，自覺當年技術未成熟，在市道不景下以250萬拍了《鎗火》，獲美亞娛樂邀請差不多的成本拍戲。杜Sir憶述，「當年拎300萬去拍，雖然係有好多不完整同不成熟地方，但而家睇番300萬真係好抵。游乃海更拎咗個最佳編劇，都冇劇本，最佳編劇都唔知點嚟。」他直言此片的即興感覺很強，觀眾看來不乏神來之筆，其中在樓梯模黑搜索的戲，至今仍為人津津樂道。他笑言因為冇錢，最方便是在銀河影像大本營拍攝，兼且可「拖多幾分鐘」。
邵美琪被指肥腫 下令停工收身
由於電影拍攝經歷3年，其間演員身形亦有增有減，現時身形亦keep得相當好的邵美琪，當年曾被杜Sir指肥腫不連戲，勒令停工瘦身再歸隊。林雪亦大爆因為要連場，那個紮頭紗布用足3年，連汗帶雨奇臭無比，杜Sir聞言即反問：「你咁笨，連戲都可以整塊新嘛！」林雪即時反擊︰「你話唔得嘅！」全場爆笑。分享會後，林雪受訪時形容那塊布又臭又酸，臭味似臭豆腐，在海旁拍完最後一場戲，即隨手將紗布丟落海洩憤。
林雪撻足48次 3年後ending又再撻
林雪又重提有場被撻落地的戲，在地下沒鋪墊硬食48 takes，他模仿杜Sir口吻，：「再嚟吖！」他又爆料謂杜Sir當時日間有「另一份工」，晚上才開機拍戲，他半投訴說：「我遠處望，見你冇睇喎！」副導演叫你睇，你仲話『唔使睇啦佢一定唔得！』我由夜晚八點幾撻到天光。我當時問：『聽日仲開唔開工㗎？』『唔知㗎！』好彩唔使開工咋，撻到條頸硬晒。」最慘是3年後拍結尾尋回失槍，又要再撻一次，他笑言老了3年已撻不到，說到激動時「粗口而出」，被杜Sir拎走支咪，杜Sir解釋：「我諗起要埋尾，所以咪再撻一次囉！開始係唔知要撻兩鑊嘛！」
「捽甩佢」少年被摑近二百巴
任達華就憶起在機舖掌摑紋身少年，並要求將紋身「捽甩佢」的場口，當年的臨時演員因re-take被摑近二百巴，聽覺一度受損需求醫。任達華抱歉說：「首要向佢講聲抱歉，真係打咗好多巴。嗰種係另一種美學。電影界個個都攞支槍、子彈，用拳頭，好多威也吊來吊去，突然間有一場咁另類嘅暴力美學，其實係幾震撼。」他續說，「嗰次一路拍，一路好唔忍心，但作為演員，係需要做啱戲入面嘅角色，所以…想對你講，真係好抱歉。但呢場戲，主要係你，成場戲都係你。好抱歉打咗佢好多。雖然佢今日冇出現，但都希望佢接受我嘅道歉。真係好震撼，我自己都好鍾意呢場戲，多謝晒多謝晒。」
黃浩然感慨無俾心機
黃浩然自言當年是年紀最小的一位，跟足杜Sir吩咐學警察行咇，將雙手放腰間行來行去，「啲人話，你隻手唔識郁嘅咩！」又感慨道：「當時自己畀心機做好套戲咪好囉，套戲真係有機會攞獎，自己又做得咁差！」
嘆欠凝聚力
回首昔日拍戲點滴，林雪感慨已沒有一套戲拍3年的「奢侈」日子，「以前啲戲，我覺得工作人員好有凝聚力…」杜Sir插嘴問：「即係而家冇？」林雪道：「我就唔覺有喇。」 林雪再次粗口而出，被杜Sir拎走他的咪：「心裡面講好喇！」
最後，主持登徒提到任達華在戲裡有句對白：「著得呢件衫，我哋就係自己人。」問杜Sir如何看團隊精神，他笑言團隊總有人強行、有人膽小、有「笨X」、有衝前、有留後，他認真地說：「最重要係互信，唔多唔少，需要一個好嘅領導，如果帶領嗰個衝鋒錯，都幾大鑊，所以作為導演都算係帶領大家穿越一部電影。」他自言很難向演員逐一解釋每個場口，「要信任，唔單止呢個PTU呢個工種，好多團體都需要，如果冇咗互相，好難達至最好。」
ADVERTISEMENT
🥮請你食皇玥經典流心雙輝月餅🥮
👇🏼立即登記參加👇🏼
