2021-04-06 18:52:00

RubberBand演唱會｜開騷感觸良多 6號憶亡母哽咽

《RubberBand Ciao 2021》昨晚假紅磡香港體育館舉行第3場，Solo部份換上6號上陣，他特意在台上自彈自唱送給已故的媽媽。

6號表示今次演唱會的主題環繞住Ciao，使他特別多感觸。他說︰「我係一個唔叻面對離別嘅人，一直喺面對離別呢個課題需要好多人support我、體諒我。媽媽舊年3月離開咗我哋，我唔知點解仲夠膽做呢個音樂會，仲要好快就決定要叫做『Ciao』。我仲經歷緊呢件事，但音樂真係好神奇，喺呢段時間我彈多咗結他，又因為疫情，好多時間留喺屋企，，當然其實都仲係彈得麻麻地，但都感激有音樂去go through呢件事。」6號開始哽咽稍作停頓，觀眾見狀即拍掌鼓勵，6號才繼續他的話，其後提到一名泰國朋友的母親也離世時，6號此時已嚎哭起來。

他續道：「我會想寫多啲嘢，有時朋友都會話我無病呻吟，但通過寫文、出post、彈琴玩音樂，去紀念返一啲你愛嘅人，係一個過程。我應承過自己會寫多啲關於媽媽嘅嘢，但寫得唔夠多」6號又指，過去寫這類題材時，一落筆就會爆喊寫不到，所以他很感謝當時的女友即現在的老婆Tim Lui為他寫出心聲，說罷，便拿起結他唱出2012年時的《M.A.M.A.》，而這正正就是當年Tim Lui執筆歌頌母愛的作品。