去年7月MIRROR演唱會墮屏事故，令台上舞者李啟言(阿Mo)受重傷留院治療，女團COLLAR成員SoChing（蘇芷晴）身為阿Mo女友，過去半年放下幕前工作悉心照料。外界十分關注阿Mo康復進度之餘，亦相當關注SoChing情況，去年一次舞者與家人聚會時，更有舞者形容SoChing「皮包骨」。幸而早前商台叱咤頒獎禮上，SoChing歸隊與COLLAR全團上台領獎及表演，狀態令人喜出望外。SoChing亦透露與阿Mo有共識，佢會再次投入工作。
除咗早前預告嘅COLLAR一周年團歌MV拍攝以外，今日薯片品牌亦宣布，原定去年8月舉行、由SoChing同COLLAR隊友Winka合作嘅迷你音樂會，將於3月中重新舉行。
網民建議網上直播
由於去年主辦單位已經以抽獎形式送出門票，令唔少fans都只能望門輕嘆，有希望入場睇show嘅網民建議，現時防疫限制放寬，主辦單位可以加位或者搞網上直播，畀更多觀眾欣賞。不過呢次音樂會嘅場地最多都係容納幾百人，應該好難滿足晒咁多位想支持SoChing同Winka嘅朋友嘞。
原文刊登於 Yahoo娛樂LOL，am730獲授權轉載
