Stanley向來是團隊的肌肉擔當，Alton本身亦有健身，身材當然有番咁上下。
MIRROR成員呂爵安(Edan)、邱士縉(Stanley)及王智德(Alton)近日忙於拍攝ViuTV劇集《i.SWIM》。早前他們出席活動時，Alton稱因為拍攝游水戲時太凍的關係，令他險些暈倒。期後他在氣溫14度的那天，在IG分享拍攝花絮，留言說︰「同自己講一聽到雞聲，毫無懸念一 _ 跳落去，送多幾下水底蝶腳又點話。人生多爽，特此紀錄！」
早前氣溫急降，Alton拍攝落水戲份險暈倒。
今日天氣又轉冷，最低氣溫只得15度，Stanley與Alton又要拍游水戲份，幸好中午氣溫上升至21.7度，但要除晒衫游水的確並不好受。Stanley在IG分享他與Alton赤裸上身的照片，留言說︰「明天 #iswim 正式煞科! 今天當然同德仔留個倩影先啦，減磅減得咁辛苦。大家都操到咁，#iswim 無得唔睇啦掛，大家期待一下吧！」可能天氣凍的關係，Alton留下一個擤鼻涕的emoji示意。
Edan早前大晒肌肉，被Stanley笑用頂燈。
Edan的留言，引來網民嘲笑。
Edan亦留下同一個emoji並寫道「陰影！」相信是他是還擊對方笑他靠打燈突顥肌肉線條。網民留言嘲笑Edan說︰「大表哥太fit令你有陰影？」、「佢個胸肌太大係你既陰影?」、「大表 & 王勁太 fit 唔需要打陰影/Top light 令你有陰影? 」