Tyson Yoshi第一場個唱結束後受訪，自爆玩插水被揸胸摸籮。 (娛樂組攝)
TysonYoshi昨晚（4日）於啟德體藝館舉行第一場《THE VILLAIN LIVE IN HONG KONG 》演唱會，他完騷後接受訪問表示：「演唱會係有設計過，都隔咗三年，擺得多啲心機喺細節，同以前最大唔同嘅地方，我最尾嘅環節先開始講嘢，以前開演唱會就每唱一首歌都會講嘢。」
談及演唱會中的「插水」環節，他笑言：「我跳出去嘅時候已經覺得大鑊，全部人都揸我個胸，摸我籮柚同埋腹肌，其實要向後傳先唔會冧，我feel到我個胸俾人摸咗幾次，我就即刻嗌咪叫啲人返去。」講到胸部是否有受傷，他笑言：「我個胸冇事！我而家終於感覺到俾電車痴漢摸嘅感覺係好混亂，完全顧唔到咁多，但冇着衫嘅部位就即刻感受到，我唔夠膽say no話冇俾人摸，不過OK嘅我都預咗，既然玩得插水的話。」
Tyson Yoshi表示要做「啟德第一個插水嘅男人」。 (娛樂組攝)
講到周殷廷任個唱嘉賓鬥震波，他回應：「我覺得真係low咗，真係多得佢，我唔係好鍾意，中咗佢個計。佢今日下午話有驚喜俾我，點知佢一升上嚟，點解立體咗咁多？橫咗咁多。」至於平常是否有練震胸的習慣，他直言：「個胸大到某一個位一郁就會郁到。」他強烈周殷廷下次開演唱會需要除衫，並表示：「好多人都話而家樂壇烏煙瘴氣，不斷咁除衫，係咪個個男人都要不斷除衫？係呀！我個宗旨係污染樂壇，如果見到越嬲我就越鍾意咁做。」提及婚禮會否除衫，他坦言：「婚禮就唔會除，因為俾周殷廷搞到好low，一定唔好，因為我阿嫲會走上嚟鬧我，又可能會拎杯暖水叫我飲，驚我凍親。」
Tyson Yoshi開騷感受到歌迷非常熱情。（娛樂組攝）
提到有歌迷掟bra上台，他回應：「我覺得佢哋唔係好得囉，佢哋全部掟喺中間嘅欄就跌咗落去，佢哋嘅拋物線唔夠勁，我前排又叫佢哋練手力，有重量嘅嘢好唔容易掟上去。」講到老婆Christy即將於7月5日生日，他分享老婆亦會欣賞第二場的演唱會，不過她卻要趕飛機離開香港籌備婚禮事項，他說：「我唔會捉佢上台，佢唔鍾意喺嗰度搞咁多嘢，所以我就唱一首生日歌就算。禮物之後先再算，我送咗好多嘢俾佢，就嚟破產。」他繼續指之前已經送了一架車給老婆，以及舉行婚禮需要大量使費。
ADVERTISEMENT
20周年「全城撐本地消費3重大激賞」！ 即睇活動詳情！
