網民談及ViuTV捧人模式有問題，193有回應。
《全民造星VI》將於10月底播出，有網民開PO指ViuTV將會簽一堆新人，但認為ViuTV的捧人方法有問題，反觀無綫會善用藝人，並表示「其實鍾意睇viu唔多睇tvb但恨鐵不成鋼」。此帖引來ERROR的郭嘉駿193回應，他不同意對方部份說法，認為任何行業都會汰弱留強。
《全民造星VI》一班參賽者早前來個下水禮宣傳節目。
網民在社交平台寫道︰「全民造星又黎新一屆，viu每次全民造星都簽一大堆人，全部都想唱歌/做戲，但事實上9成都被掉左去做唔關事嘅綜藝，甚至主持能力都成問題都要做訪談show，結果做出黎又差，d artist又唔開心，錢又搵唔到，最後一個一個失意走，但呢個loop冇改善過。tvb反而劇要用人多、大show多、搞埋戀綜，連東張都可以用一批『女神』，感覺上有真係了解過個artist想做乜/叻乜黎放佢落咩位置。同埋tvb d人好積極做自己youtube channel，個個都慢慢build up到自己影響力。利申：其實鍾意睇viu唔多睇tvb但恨鐵不成鋼 」而該帖文就引來網民熱烈討論，就兩間電台的營運及藝人工作安排加以分析。
193回應網民對於ViuTV的捧人模式有問題的指控。
193則認為藝人簽合約之前，應該已經好清楚自己的身位，「除非佢係非常當紅，否則電視台點解會放咁多資源去畀佢做歌或做戲？一個電視台要廿四小時營運，性價比嚟講一定係做綜藝或者資訊性節目。所以某程度上簽得入電視台就係預咗有機會要做主持。而主持能力除咗天份，主要都係靠自己努力練習出嚟，肯努力學習自然會喺電視台有佢自己應得嘅位置，有人努力鑽研做正經主持、有人鍾意做實況真人show、有人永遠覺得自己懷才不遇、亦都有人運氣真係非常之差。咁工作做得唔好，自然少人搵佢做嘢，咁當然就搵唔到錢，搵唔到錢就當然要搵其他出路去生活。我諗唔止係娛樂圈，呢個世界好多行業都係汰弱留強㗎啦。都loop咗過千年。」
有網民就留言指193有的是運氣，193就回應指如果自己是運氣好，自己應該係富二代，不明白為何網民為何還要說「如果」。他說︰「我參加第一季嘅時候個台冇人睇㗎，你有冇呢個勇氣啊？你夠唔夠膽博啊？ 如果係咁容易，點解你唔去參加成為193嘅？ 如果？？？ 如果你諗嘢唔係咁蠢咁單純，你嘅成就一早已經高過我，咁就唔使開匿名Account講如果㗎啦。」
郭嘉駿說︰「主持能力除咗天份，主要都係靠自己努力練習出嚟，肯努力學習自然會喺電視台有佢自己應得嘅位置。」
