2025-08-07 21:00:00

XiX大談深圳開騷感動落淚郭偉亮指鄧曉殷有葉蒨文影子

女團XiX和郭偉亮(Eric Kwok)現身TVB錄製節目《今晚有歌廳》。（娛樂組攝）

女團XiX和郭偉亮(Eric Kwok)現身TVB錄製節目《今晚有歌廳》，郭偉亮接受訪問時透露XiX今天錄製節目唱林子祥經典代表作《分分鐘需要你》，以及葉蒨文經典金曲《祝福》。

郭偉亮指鄧曉殷有葉蒨文影子

提到與前輩葉蒨文（Sally）和林子祥一起錄製節目的感受，繆昀希（Charlotte）表示：「啱啱有啲驚，一開始迎接Sally姐姐，雖然香港小姐表演都有合作過，但係都有比佢嘅氣場嚇到。」楊秉頤（Caitlin）則表示：「我好緊張嘅，係因為要唱佢嘅歌俾佢聽。」良玳瑩（Crystal）分享：「我哋其實之前香港小姐表演完之後有同Sally姐姐食過飯，都有相處吓，所以唔係超緊張。」鄧曉殷（Kiele）說：「上次佢哋喺香港小姐表演，我當日唔喺度，因為我喺美國，我好開心可以唱佢哋嘅歌。」郭偉亮指Kiele非常有葉蒨文的影子，並表示：「佢啲中文又係用拼音嚟唱歌。」

XiX大談深圳開騷感動落淚

被問到較早前舉行深圳演唱會，XiX一起在台上感動落淚，Charlotte笑說：「有50%都係喊緊。」郭偉亮隨即分享騷後發生的小故事，並表示：「我哋完咗騷之後，我有個朋友帶咗10歲嘅細路仔去睇XiX嘅演唱會，佢話終於明白點解我咁錫呢四個細路女，因為佢哋真係好有實力，所以嗰一刻我就好開心，佢哋嘅實力受到肯定。」

講到若XiX新歌成績欠佳將不獲環球續約，有指亦有可能是XiX最後一首推出的單曲，郭偉亮則表示：「第一佢哋起碼知道會有一首歌，好多人讚個MV，希望唱片公司接受到呢啲message，覺得而家係越嚟越好。」Charlotte繼續分享：「其實呢首歌我有負責編舞，希望大家會鍾意呢類型嘅style，我哋呢首歌係講自由，所以啲動作會大啲。」Caitlin指目前已經中學畢業，並且考入心儀的大學，就讀香港大學傳理系。