馮德倫日前在紅館上自封Stephen Yoshi。
50歲的馮德倫（Stephen）日前現身陳慧琳（Kelly）的10場紅館演唱會尾場，與雷頌德（Mark）合體重組經典組合Dry，並與Kelly合唱金曲《紀念日》。三人上一次齊腳已是2013年，時隔12年，Kelly在台上說：「網民話你哋年紀大咗，可以叫Dry Martini。」Stephen笑言：「咁我咪要叫Stephen Yoshi，會型啲。」Kelly立即指住Stephen心口：「人哋露點㗎！冇露就唔係Yoshi。」網民對於Stephen Yoshi充滿幻想，並回顧他年輕時拍下的赤膊寫真，相中的馮德倫露點曬身上腹肌，連他本人都在Threads轉發舊照，上面加上「Stephen Yoshi」，甚至寫上會向「最後一位」留言的幸運兒送出Stephen Yoshi的親筆簽名相，網民留言不斷爭做隊尾，更引出Tyson Yoshi本人加入搶簽名，留言「我又要」。
馮德倫今日分享當年的露點曬肌照，上面寫下「Stephen Yoshi」。
自認「我仲係好trendy」的馮德倫活躍社交網，今日除了分享「Stephen Yoshi」鮮肉照外，還上載跟《大佬愛美麗》拍檔陳奕迅（Eason），以及Swing成員郭偉亮（Eric Kwok）和陳哲廬（Jerald）的四人合照，Steven還寫道：「Dry完撞到Swing，本來好地地殺出個唔係好熟但又鍾意攬頭攬頸嘅人。」不過，網民卻錯重點，笑指Eason搭上馮德倫右膊的手是屬於Eric Kwok，並寫「Eric Kwok隻右手好長」、「Ironman變咗fantastic 4」，被指似足《神奇4俠》中的神奇先生。
立即更新/下載AM730手機APP 體驗升級功能
