XiX勇奪「生力軍組合銀獎」。
出道僅四個月的青春少女組合XiX，5人當中最少年齡只有14歲，其餘主要是16至17歲。近日在頒獎禮上取得好成績，在新城頒獎禮上奪得「勁爆躍進組合」以及在叱咤樂壇流行榜頒獎典禮勇奪「生力軍組合銀獎」，極有可能是史上最年輕組合奪得此獎項。
XiX勇奪「生力軍組合銀獎」之後，在後台爆哭。
Eric Kwok︰EQ被挑戰
在新一年第一天得到組合獎項，XiX難以置信以兼喊到豬頭，身為經理人的Eric Kwok見狀大笑，其實難掩內心興奮喜悅之情，雖然出道時間非常短，但當中遇到不少困難。因五女尚在就學，簡單如遷就時間進行宣傳，已經要大家盡量協調，並不容易。作為經理人的Eric很多時候都要擔當中間協調角色，他表示：「我入咗娛樂圈20幾年，我嘅EQ從未試過被挑戰到呢個極限。佢哋出道雖然只有幾個月，但係都身經百戰，加埋比賽經歷，我哋識咗兩年。最開心莫過於我教XiX嘅事情，佢哋可以明白同埋做到出嚟。我最希望五個女繼續姊妹情深，聽話唔好激我，而且家長都聽聽話話。」
XiX亦相當識做賣口乖：「最好答謝Eric Sir嘅方法就係聽聽話話，唔好成日激嬲佢，每次盡100%努力做到佢嘅要求。我哋好想食大餐，請Eric Sir食大餐，終於可以食多啲嘢，哈哈！」
