2025-07-25 18:03:49

Yumi鍾柔美疑似地下情曝光 Chantel姚焯菲指好姊妹多人追

18歲「星夢小花」鍾柔美（Yumi）疑爆戀情，日前被《am730》獨家拍得偕一名高大背心男甜蜜睇戲，兩人散場時還糖黐豆，男方更一度手多多用右手輕撫Yumi臀部，又情不自禁依偎在Yumi肩膊，態度親暱。

報道出街後，Yumi回應傳媒時否認拍拖，解釋男方只是同學，揚言沒有發展空間，對方只是出於禮貌和風度，落樓梯時才出手相扶，強調沒有被摸pat pat。今日下午，Yumi的同門好姊妹姚焯菲（Chantel）、詹天文（Windy）現身會展舉行的第26屆香港動漫電玩節，應新城知訊台邀請出席《Z世代咪高峰Show》，同場歌手還有方皓玟、黃淑蔓、力臻、Michael C、黃峻熙等，場面熱鬧，現場有扮成Labubu的粉絲撐場，當Chantel與Windy現身接受傳媒訪問，Labubu即拿出手機向二人不停拍照，場面有趣。

壓力大到瞓覺都喊

其間Chantel孖Windy受訪，剛推出新單曲《KMC》的Chantel，預告明天晚上會首播MV，並透露：「呢個係我第一個MV有男主角。」被問到有沒有親熱場面，Chantel即賣關子表示：「咁你哋就要睇喇！個男主角我冇份揀，係公司安排俾我。」談到新歌《KMC》題材，是想帶出每件事不需要過於完美，她指：「可能大家都覺得完美最好，世間有很多批評，因為我自己都係一個完美主義者，所有嘢要做到好完美，但原來好很累、真係好辛苦，我就想透過呢首歌去提醒大家同埋提醒自己，有啲事真係唔不需要太介懷。」Chantel直認入行以來被外界批評的確很大壓力，自言暫時未找到一個方法可以把壓力全都洗走，但睡覺可以讓她暫緩壓力，旁邊的Windy深表認同，兩人異口同聲表示工作緊張或壓力會導致失眠，Windy表示：「我有試過網上俾人留言鬧，睇咗太comment，之前一整晚都瞓唔著到通宵，好誇張，但依家就冇事。」兩人透露更試過連睡覺都喊，談到上海之行，Windy去了當地迪士尼樂園，雖然行程開心，但卻大嘆好熱，相信儘量避免大熱天時再去熱帶地方。

信唔過Yumi手車

對於鍾柔美疑似地下情曝光，兩人立即維護好友，Chantel謂：「我覺得大家唔好諗咁多先，因為據我所知，佢真係冇拍拖嘅，咁所以我no comment，真相係點真係要靠當事人去澄清囉！」Windy亦認為局外人不適宜講太多，兩人知道男方是Yumi的同校同學，問到Yumi是否多人追，Chantel即答：「呢個我唔知，但我覺得係，我覺得係咋！」再問兩人是否同樣多追求者，Chantel即尷尬稱：「我唔係。我走先！我未返學…」Windy又幫忙解圍：「返咗學就會有。係會有嘅，一定會有嘅，學業同事業太多要兼顧。」Windy稱目前以工作為重，自己沒有時間去諗拍拖。