姚焯菲學校宿舍開心抽中單人房 。
姚焯菲(Chantel)在本月初已飛抵美國紐約升學，為保持人氣，她半個月內兩度在社交網開Q & A 與粉絲互動。日前，她就上載一段新片，並指近日有很多人關心她是否將退出《愛. 回家之開心速遞》，她就澄清表示：「我12月返嚟嘅時候會繼續拍，因為其實我想繼續去參與彤彤呢個角色，我覺得大家都非常喜歡，同埋我自己都好enjoy去演呢個角色，所以大家唔需要擔心。」
另外，不少網民都關心Chantel在當地的住宿環境，她透露：「因為我係year one嘅學生，所以我係住學校嘅宿舍，係喺一個apartment，有三間房，有兩間係double，一間係single，我就係咁啱被抽中自己一個人間房，但我哋就5個人share一個廁所，我係有suitemates，但我冇roommates。」Chantel 更預告會拍攝Room Tour短片。
最後，Chantel 自爆在紐約未能習慣當地的水質，令其皮膚變差，並謂：「因為呢度嘅水質係硬水質，身邊嘅朋友啱啱嚟到紐約，都話佢哋遇到甩頭髮嘅問題，皮膚變乾嘅問題，同埋肚痛嘅問題。」她更表示這些問題都需要時間適應。
