Ad Block Ad Block
娛樂
2022-03-09 17:28:07

丁子朗感激Liza姐點名提攜 聞戴祖儀即落閘: 已經冇咗火花

分享:
丁子朗感激Liza姐點名提攜。

丁子朗感激Liza姐點名提攜。

丁子朗(丁丁)早前接受無綫娛樂新聞台節目《星光路上》專訪,與主持潘盈慧大談入行5年多的趣事及心路歷程。丁丁於2016年由加拿大隻身來港,以19歲之齡參選香港先生,最終奪得亞軍成功入行,他坦言父母當時並不支持他的決定:「父母真係擔心我食唔飽、著唔暖,佢哋話:『咁我哋係咪要養到你30歲?』但我成日同佢哋講(呢啲機會)一生人得一次,我想做一啲唔會令自己後悔嘅嘢。」

丁丁分享了其中一次非常難忘的主持經歷,他說:「有一次我同Liza姐(汪明荃)做粵劇show,因為我對粵劇真係唔係太熟悉,講錯咗啲粵曲名,所有觀眾都望住我NG,我成個人都慌晒;當時Liza姐同我講:『你放心慢慢做』,仲同我講番啲名係點樣嚟。呢次可以話係我主持路上嘅轉捩點,令我覺得要好認真咁做一個有感染力嘅司儀。」除了用心教導丁丁,Liza姐更提攜丁丁上節目,令丁丁十分感恩:「兩年前有一個節目,初頭冇我份嘅,係Liza姐同監製講:『點解唔用丁丁呀,加埋佢落去啦!』我係喺Show前先知Liza姐幫咗我。所以好想多謝阿姐不斷提攜同畀機會我,如果冇阿姐咁錫我,我諗依家嘅丁子朗仲係一個薯仔。」

談到在《森美旅行團》中豁出去露股,並因而成功入屋,丁丁笑指該節目亦是他其中一個重要里程碑:「好多謝同我一齊主持嘅森美、吳若希同麥美恩,佢哋喺節目度不斷咁照顧我同教我嘢。」丁丁又指該節目令他與3位前輩建立了深厚的友誼:「我定時會去吳若希屋企黐餐,麥美恩就會幫我約訪問同宣傳,呢一行好多人話好難搵到真正嘅友誼,但我好好彩搵到一班好肯幫我嘅『屋企人』。」

至於,今年憑《青春不要臉》正式升呢男主角的丁丁,透露演戲初期曾遭遇不少挫折,更曾被劇組工作人員鬧爆:「通常我哋開廠都會開到好夜,咁大家自然都好攰,有一次有個位臨尾反應係要我笑,拍完嗰個shot大家就可以收工,但我就笑極都笑唔到、好唔自然,當時現場大家都好躁,直情有人話我:『你擘大個口啦,你擘大我哋就收工架喇!』我作為一個新人當然好驚,對於我亦係好大嘅打擊。」丁丁透露自此便先後報讀了鍾景輝、韋羅莎、彭秀慧等多個演藝課程,努力進修自己的演技。

Ad Block

另談到與《青春》拍檔戴祖儀傳緋聞,丁丁狠心落閘謂:「識咗佢太耐喇,成三、四年,火花已經冇咗喇,Keep住做朋友係非常之好嘅決定。」丁丁又坦言現在事業行先,於《萬千星輝頒獎典禮2021》奪得「飛躍進步男藝員」獎後,恍如被打了強心針:「老套啲講我想成為視帝架,我會向住呢個目標努力。」丁丁又自爆曾為超英電影《尚氣》試鏡,並指自己視前輩陳法拉為學習目標。

331日!開戶投資?睇下艾德喇,迎新獎賞更高達$2,488

談到與戴祖儀的緋聞,丁子朗即時落閘。

談到與戴祖儀的緋聞,丁子朗即時落閘。

奪得「飛躍進步男藝員」獎後,丁子朗坦言目標想成為視帝。

奪得「飛躍進步男藝員」獎後,丁子朗坦言目標想成為視帝。

Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受