黃秋生出席電影《不赦之罪》首映禮。
電影《不赦之罪》今晚(3日)舉行首映禮，黃秋生、蘇玉華、P1X3L成員 歐鎮灝(George)、陳書昕(Sheena)、陳紫萱齊齊現身。黃秋生受訪時表示，兩年前獲古天樂邀請接拍此片，但起初沒有答應參演，因覺得劇本觸及太多課題，建議先作修改，「大槪話畀佢聽太貪心喇……返去講重點，太貪心嘅就要cut，一部戲90分鐘，講唔到咁多嘅！」他以為沒下文，怎知1年後接到修改版劇本，加上知道蘇玉華參演，便答應接拍。在戲中飾演牧師的秋生坦言：「我絕對不認同佢嘅價值觀，好難認同，以為自己係耶穌？」
佩服George赤腳孭十架 無意陪行
問到會否謝票時，秋生笑言盡量配合，George曾於復活節假期在街頭赤腳孭十架，問他會否重演戲裡拿著聖經帶George赤腳孭十架的一幕，他反問，「撞鬼咩！想整蠱佢咩！佢已經好勁，好佩服佢。(會否陪走一次？)梗係唔會，唔係點佩服。」他笑言這類宣傳交年輕一輩負責，自爆年輕時曾試過塗黑面扮印巴籍人士，問到是誰的主意？「岑建勳囉。」至於George以角色名字開帳戶與網民互動，他就無意以牧師之名開帳戶聽告解，「痴線啦告解！假牧師？你叫我做假牧師，準備昆人雙修呀？」他笑稱別再搞他，「我已經吸夠負能量喇，呢世人都唔再吸呢啲嘢。」
笑談黑雪公主：色盲嗎？
談到海運戲院結業，他慨嘆表示，曾經在戲院出席不少首映禮。至於會否感可惜，他答道，「一個年代過去，冇得話可唔可惜，每個年代都會過去，正所謂『飄風不終朝，驟雨不終日』總有艷陽天，等吓啦，問題係條命夠唔夠長等到。」至於港產影業的冷河期何時終結，他就不敢樂觀，「有排唔會到，問題唔止香港，係全世界，好似撞鬼，無端端《白雪公主》、變『黑雪公主』，唔關膚色事，講到明『白雪』嘛！講明灰熊，你俾隻白色嚟，色盲嗎？」
《螳螂捕蟬》世巡？
黃秋生主演的舞台劇《螳螂捕蟬》已圓滿落幕，秋生曾在社交平台分享，其中一晚突然病倒，他憶述情況，「有一晚感冒，好驚呀好驚呀！突然間流晒鼻水，我心諗要塞住個鼻哥瞓覺，如果聽朝仲係咁、流住兩行鼻水喺台上面做呀？好大鑊㗎喎！好彩又ok，食晒維他命C！」他曾在謝幕時透露，想舞台劇舉行世界巡演時，黃秋生回應指想為當地香港人演出，「傾下先啦，因為牽涉好多嘢，話走就走、你估旅行咩！最有可能係英國、溫哥華或者多倫多！」
笑談與兩兒相處之道
早前秋生在社交平台分享兒子型爆靚相，他澄清相中人是身在外國的長子黃一一，「佢好識扮嘢影相，啲相佢自己影，大嗰個好識影相、扮嘢呀，好叻㗎！(似足你？)佢叻過我！」他指長子在加拿大做經理，至於會否回港同住或加入娛樂圈？他聞言即答道，「即係叫我搬出去，邊夠地方住？(兒子交租？)佢踩你都傻，(有俾家用嗎？)梗係冇！佢自己都唔夠，最好係你唔搞我，我唔搞你！」談到幼子近日返港，他坦言好開心，但就有投訴，「佢霸咗我個位睇電視，又霸咗我個位食飯，我日日本來飲茶睇書嘛。」話雖如此，他大讚兩個兒子都很乖：「會叫聲Daddy。」
立即更新/下載AM730手機APP 體驗升級功能
