Ad Block Ad Block
娛樂
2022-10-05 18:16:33

中年好聲音|屯門娜娜參賽惹熱議 網民:一定要請happy伯做觀眾先得

分享:

《TVB 娛樂新聞台》截圖

近年TVB同ViuTV舉辦咗唔少真人騷形式嘅選秀節目,不過參賽者好多都係以年輕人為主,早前TVB就喺Facebook出PO,為《中年好聲音》進行宣傳招募。噚日(4日)節目進行面試,成功引嚟唔少中年參賽者參加,除咗有唔少唱功一流嘅隱世高手及音樂人之外,仲有跳大媽舞跳到出晒名嘅「屯門娜娜」董幸兒。

網民得知節目已經進行面試後,唔少網民都大讚節目好好,可以俾中年人追夢:「呢條橋好喎!睇得太多年輕人追夢的比賽了,中年人的心態不同,享受唱歌比賽多過尋求事業發展,齊齊尋開心。」、「我覺得幾好呀,俾啲中年人可以發揮下 支持」及「任何年紀都可以追夢,佩服各位的勇氣,加油,Good Luck」等等。另外,屯門娜娜參賽成功吸引唔少網民關注,留言話「屯門友全力支持屯門娜娜 贏左就唔使再喺屯門出現 功德無量」、「期待娜娜入圍」、「屯門娜娜又參賽,?,甘(咁)勇既?,甘(咁)多負皮都照去」及「如娜娜入圍,一定要請happy伯做觀眾先得」等等。

《TVB 娛樂新聞台》截圖

《TVB 娛樂新聞台》截圖

原文刊登於 Yahoo娛樂LOL,am730獲授權轉載

Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受